Спортын төрөл
Онцлох тоглолтууд
Нэмэлт тааврууд
Ирэх тоглолтууд
Нийтлэсэн: Саруултөгс
2019-04-15 11:15

Арсенал, Челси ялалт байгууллаа

Европын хөлбөмбөгийн холбооны Европа Лигийн шөвгийн 8-ын эхний тоглолтууд өнгөрсөн шөнө боллоо. Энэ шатны гол тоглолтоор нэрлэгдэж байсан Английн “Арсенал” – Италийн “Наполи” багуудын эхний тоглолт “Эмирэйтс” цэнгэлдэхэд болсон байна. Тус тоглолтын 15 дахь минутад “Арсенал”-ын хагас хамгаалагч Аарон Рамзи гоолын салхийг хагалжээ. Уэльс тоглогч энэ зун Италийн “Ювентус” клубт очих нь тодорхой болоод байгаа билээ.

Энэ гоолоос 10 минутын дараа өнгөрсөн зуны ДАШТ-ий дараа Англид газардсан Лукас Торрейра эсрэг багийн 2 ч хамгаалагчийг аргалж, хаалганд хийсэн цохилт “Наполи”-ын тоглогч Кулибалигаас хачир аван хаалганд оржээ. “Арсенал”-д тооны харьцааг холдуулах өөр хэд хэдэн боломж гарч ирсэн ч ашиглаж чадаагүй.

Улмаар “Их буучид” энэ тоглолтод 2:0-ийн харьцаатай ялалт байгуулснаар томоохон давуу талтай боллоо. Хариу тоглолт 7 хоногийн дараа Италид болно. Одоогоор Премьер Лигийн хүснэгтийн 5-р байранд бичигдэж байгаа “Арсенал” түүнээс өмнө буюу ирэх Даваа гарагт “Уотфорд”-ын талбайд зочилж, бас нэгэн чухал тоглолт хийнэ.

Арсенал 2:0 Наполи (Европа Лиг, Эмирэйтс стадион)

Гоол: Рамзи 15’, Кулибали а.г 25’

Гарааны бүрэлдэхүүн:

Арсенал (3-4-1-2): Чех; Сократис, Косьелни, Монреаль; Мэйтлэнд-Найлс, Торрейра (Элнени 77), Рамзи, Колашинац; Өзил (Мхитарян 67); Обамеянг, Ляказетт (Ивоби 67)

Наполи (4-4-2): Мерет; Хюсай, Максимович, Кулибали, Руй; Каллехон, Фабиан (Унас 83), Аллан, Зелиньски; Мертенс (Милик 66), Инсинье (Юнес 83)

Шар хуудас: Хюсай

Бусад тоглолтуудын үр дүн:
Вильярреал (Испани) 1:3 Валенсиа (Испани)
Бенфика (Португал) 4:2 Айнтахт Франкфурт (Герман)
Славиа (Чех) 0:1 Челси (Англи)

Уншсан : 123
Та нэвтэрч байж сэтгэгдэл оруулна уу. Нэвтрэх
Нийт дуслын коэффициент
0.00
Хожих дусал
0.00
Нэвтрэх шаардлагатай!
Лигийн хүснэгт
Europe League
тоглолт
оноо
NBA
тоглолт
оноо
Premier League
тоглолт
оноо
Facebook like